واٹس ایپ کورونا سے متعلق جھوٹی خبروں کو روکنے میں کامیاب

لاہور(ویب ڈیسک)عالمگیر وبا کورونا وائرس کیدنیا بھر میں پھیلنے کے ساتھ ساتھ سوشل میڈیا اور دیگر ویب سائٹس پر بھی کورونا سے متعلق جعلی معلومات اور جھوٹی خبروں کا پھیلاؤ عروج پر ہے۔
سوشل میڈیا اور دیگر پلیٹ فارمز کی جانب سے کورونا وائرس سے متعلق جعلی معلومات اور جھوٹی خبروں کی روک تھام کے لیے اقدامات کیے جا رہے ہیں۔لیکن اب پیغام رسانی اور ویڈیو کالنگ کی مقبول ترین ایپ واٹس ایپ جعلی معلومات اور جھوٹی خبروں کی روک تھام کرنے میں کافی حد تک کامیاب ہوئی ہے۔رپورٹس کے مطابق واٹس ایپ نے جب سے جعلی معلومات اور جھوٹی خبروں کی روک تھام کے لیے اقدامات کرتے ہوئے اپنے فارورڈ میسج کے طریقہ کار کو سخت کیا تھا اس کے بعد سے اب تک واٹس ایپ پر جعلی خبروں کا پھیلاؤ 70 فیصد تک کم ہوا ہے۔
خیال رہے کہ گزشتہ دنوں واٹس ایپ نے کورونا وائرس سے متعلق جعلی خبروں کے پھیلاؤ کی روک تھام کے لیے فارورڈ میسج کا طریقہ کار سخت کیا تھا جس کے تحت واٹس ایپ نے صارفین کی جانب سے بے شمار لوگوں کو ایک وقت میں میسج فارورڈ کرنے کے آپشن میں سختی کر دی تھی۔واٹس ایپ میں اس سے قبل صارفین ایک وقت میں 5 لوگوں (بشمول گروپس) کو باآسانی میسج فارورڈ کر سکتے تھے لیکن اب اس اپ ڈیٹ کے بعد صارفین ایک وقت میں ایک ہی صارف کو فارورڈ میسج بھیج سکتے ہیں۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com