پنجاب انٹر میڈیٹ سٹیزامپروومنٹ پروگرام کے تحت سیالکوٹ میں 17 ارب روپے کے منصوبے شروع:عثمان بزدار

لاہور9دسمبر:وزیراعلی پنجاب سردار عثمان بزدارنے کہاہے کہ سیالکوٹ کے لوگوں کو اپنی ایئر لائن سیال ایئر کے آغاز پر مبارکباد دیتاہوں – سیالکوٹ کے شہریوں نے اپنی مدد آپ کے تحت پہلے ایئر پورٹ بنایا اوراب ایئرلائن کا آغاز کرکے قابل تقلید مثال قائم کی ہے – وہ آج  سیالکوٹ میں کامیاب نوجوان پروگرام اور اربوں روپے کے منصوبوں کے آغاز کے موقع پر منعقدہ تقریب سے خطاب کررہے تھے -وزیراعلی عثمان بزدار نے تقریب سے خطاب کرتے ہوئے کہاکہ  پنجاب انٹر میڈیٹ سٹیزامپروومنٹ پروگرام کے تحت سیالکوٹ میں 17 ارب روپے کی لاگت سے منصوبے شروع کئے جا رہے ہیں اوران منصوبوں سے سیالکوٹ شہر کے مسائل حل ہوں گے اور شہریوں کا معیار زندگی بہتر ہوگااوراقبال ؒ کا شہر حقیقی معنوں میں ترقی یافتہ شہر بنے گا-انہوں نے کہاکہ سیالکوٹ میں عوام کی سہولت اور ٹریفک کی روانی کے لئے رنگ روڈ بھی بنایا جا رہا ہے-سیالکوٹ میں 5 ارب روپے کی لاگت سے مدراینڈ چائلڈ ہسپتال بنایاجائے گا-سیالکوٹ میں 500بستروں پر مشتمل جنرل ہسپتال بھی بنے گااوروزیراعظم عمران خان اپنے اگلے دورے کے دوران اس ہسپتال کا سنگ بنیاد رکھیں گے-انہوں نے کہاکہ وزیراعظم عمران خان نے سیالکوٹ کے لئے ٹیکنیکل یونیورسٹی کا سنگ بنیاد رکھ دیاہے اور اس یونیورسٹی کے لئے ترجیحی بنیادوں پر فنڈز فراہم کریں گے-انہوں نے کہاکہ ایک ہزار ایکڑ اراضی پر مشتمل نئی انڈسٹریل سٹیٹ کی خوشخبری بھی سیالکوٹ کو جلد دیں گے -پنجاب سمال انڈسٹریز کارپوریشن کی 2انڈسٹریل سٹیٹس چل رہی ہیں اور تیسری انڈسٹریل سٹیٹ پر بھی جلد کام شروع کیا جائے گا-پسرور روڈ کی تعمیر و مرمت پر چند دنوں میں پیشرفت ہوگی- وزیراعلی نے کہاکہ کورونا وباء کے دوران پنجاب حکومت نے تاجروں اور صنعتکاروں کو ریلیف دینے کے لئے 56ارب روپے کا ٹیکس ریلیف دیا اور گزشتہ روز پنجاب کابینہ نے صوبے میں 5سیمنٹ پلانٹس کے قیام کی منظوری دی ہے اوردسمبر کے آخر تک مجموعی طورپر پنجاب میں 16سیمنٹ پلانٹس کی منظوری دی جائے گی-وزیراعلی عثمان بزدار نے کہاکہ وزیراعظم عمران خان کے ویژن کے مطابق یونیورسل ہیلتھ کوریج پروگرام کی منظوری دے دی ہے اور2021تک پنجاب کے ہر شہری کو ہیلتھ کوریج دیں گے-سیالکوٹ سمیت ہر شہر کے مسائل حل کریں گے اور ترقی کا سفر جاری رہے گا-

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com