توشہ خانہ ریفرنس، نواز شریف اور آصف زرداری بڑی مشکل میں پھنس گئے

لاہور(ویب ڈیسک)توشہ خانہ ریفرنس میں احتساب عدالت نے نواز شریف اور آصف علی زرداری کو طلب کر لیا، سابق وزیراعظم یوسف گیلانی بھی توشہ خانہ ریفرنس میں 29 مئی کو عدالت پیش ہوں گے۔
جعلی اکاؤنٹس کیس میں اہم پیشرفت، توشہ خانہ ریفرنس پر سماعت کے دوران نیب نے عدالت کو آگاہ کیا کہ آصف زرداری اور نواز شریف نے یوسف رضا گیلانی سے غیر قانونی طور پر گاڑیاں حاصل کیں، آصف زرداری نے گاڑیوں کی صرف 15 فیصد ادائیگی کی، رقم جعلی اکاونٹس کے ذریعے ادا کی گئی۔ نیب کے مطابق آصف زرداری کو بطور صدر، لیبیا اور یو اے ای سے بھی گاڑیاں تحفے میں ملیں، آصف زرداری نے گاڑیاں توشہ خانہ میں جمع کرانے کے بجائے خود استعمال کیں۔نیب کی جانب سے نواز شریف سے متعلق عدالت کو بتایا گیا کہ سال 2008 میں وہ کسی بھی سرکاری عہدے پر نہیں تھے، اس کے باوجود نوازشریف کو بغیر کوئی درخواست دیئے توشہ خانے سے سرکاری گاڑی مہیا کی گئی۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com