موجودہ حالات میں اپوزیشن جماعتوں کا رویہ مایوس کن ہے,,عثمان بزدار

لاہور28 نومبر:وزیراعلیٰ پنجاب سردار عثمان بزدارنے کہاہے کہ عوام کے تعاون سے کوروناکی حالیہ وباء پربھی قابو پائیں گے -ماضی کے حکمرانوں نے شعبہ صحت کو یکسر نظر انداز کیااور سابق ادوار میں صحت کے شعبے کو کبھی ترجیح نہیں دی گئی- وزیر اعلی عثمان بزدار نے ایک بیان میں کہا کہ موجودہ حالات میں اپوزیشن جماعتوں کا رویہ مایوس کن ہے اور اپوزیشن  ٹولہ محض اپنی سیاست چمکانے کے لئے خالی بیان بازی کر رہا ہے- دکھی انسانیت کی خدمت محض بیانوں سے نہیں ہوتی بلکہ مشکل وقت میں عوام کے ساتھ کھڑا ہونا پڑتا ہے- تحریک انصاف کی حکومت آزمائش کی گھڑی میں عوام کے شانہ بشانہ کھڑی ہے- انہوں نے کہا کہ تحریک انصاف کی حکومت کورونا کنٹرول کیلئے اقدامات کر رہی ہے اورپی ڈی ایم جلسوں کے ذریعے عوام کی زندگیوں سے کھیل رہی ہے۔انہوں نے کہا کہ حکومت ہراقدام عوام کے تحفظ کے لئے اٹھا رہی ہے – منفی سیاست کرنے والے ہوش کے ناخن لیں۔انہوں نے کہا کہ حکومت کورونا ایس او پیز پر سختی سے عملدرآمد کرائے گی۔ایس او پیز کی خلاف ورزی پر قانون حرکت میں آئے گا۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com