نیب قوانین سے متعلق صدارتی آرڈیننس لاہور ہائیکورٹ میں چیلنج

لاہور(ویب ڈیسک) لاہور ہائیکورٹ آفس نے نیب قوانین سے متعلق صدارتی آرڈیننس کے خلاف درخواست پر اعتراض لگا دیا۔ نیب قوانین سے متعلق صدارتی آرڈیننس لاہور ہائیکورٹ میں چیلنج کیا گیا تھا۔
تفصیلات کے مطابق:ہائی کورٹ آفس کے مطابق فوری طور پر اس درخواست کی سماعت فوری نہیں کی جاسکتی، موسم سرما کی تعطیلات کے بعد درخواست پر سماعت کی جاسکے گی۔درخواست انسانی حقوق کے رہنما ایڈووکیٹ اشتیاق کی جانب سے دائر کی گئی جس میں موقف اپنایا گیا کہ نیب کے اختیارات محدود کرنے سے کرپشن میں اضافہ ہوگا، بیورو کریسی کو کرپشن کرنے کی چھوٹ دیدی گئی، نیب قوانین سے متعلق صدارتی آرڈیننس آئین کے آرٹیکل 5،19 اور 25 کی خلاف ورزی ہے۔ عدالت سے استدعا ہے کہ صدارتی ارڈیننس پر فوری عمل درآمد روکنے کا حکم دے۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com