وزیراعلیٰ عثمان بزدار نے جیلانی پارک میں گل داؤدی کی نمائش کا افتتاح کر دیا، گل داؤدی کی نمائش دیکھی، پی ایچ اے کی تعریف

لاہور7دسمبر:  وزیراعلیٰ پنجاب سردار عثمان بزدار نے آج جیلانی پارک میں گل داؤدی کی نمائش کا افتتاح کیا۔ وزیراعلیٰ عثمان بزدار نے گل داؤدی کی نمائش دیکھی اور نمائش میں رکھے گئے پھولوں کی مختلف اقسام میں گہری دلچسپی کا اظہار کیا۔وزیراعلی عثمان بزدار نے نمائش کے انعقاد پر پی ایچ اے کی کاوش کو سراہا۔ نمائش کا اہتمام پارکس اینڈہارٹیکلچر اتھارٹی نے کیا ہے۔  پی ایچ اے کے حکام نے وزیراعلیٰ عثمان بزدار کو شہر کی خوبصورتی کیلئے ہارٹیکلچر کو فروغ دینے کے حوالے سے بریفنگ دی۔ صوبائی وزیر ہاؤسنگ میاں محمودالرشید، مشیر محمد آصف، چیئرمین پی ایچ اے سید یاسر گیلانی، ڈی جی پی ایچ اے اور دیگر حکام بھی اس موقع پر موجود تھے۔ وزیراعلیٰ پنجاب سردار عثمان بزدار نے جیلانی پارک میں گل داؤدی کی نمائش کے افتتاح کے بعد میڈیا سے گفتگو کرتے ہوئے کہا کہ کورونا ایس او پیز کے تحت محدود اجتماعات کی اجازت ہے۔غیر قانونی اجتماعات کی کسی صورت اجازت نہیں دی جا سکتی۔ ایس او پیز کے تحت گل داؤدی کی نمائش کی اجازت دی ہے اور نمائش دیکھنے والے لوگوں کو ایس او پیز کے تحت پارک میں داخلے کی اجازت ہوگی۔ انہوں نے کہا کہ پوری دنیا میں کورونا کی دوسری لہر کے باعث کوئی اجتماعات نہیں ہو رہے۔دنیا کورونا سے بچنے کیلئے اقدامات کر رہی ہے جبکہ ہمارے یہاں اجتماعات کئے جا رہے ہیں۔بدقسمتی سے کورونا کے بڑھتے ہوئے کیسز کے باوجود سیاسی اجتماعات کئے جا رہے ہیں۔ایسی سرگرمیوں سے گریز کرنا چاہیئے جس سے کورونا پھیلے۔ وزیراعلیٰ عثمان بزدار نے کہا کہ اپوزیشن کو عوام کی زندگیوں سے نہیں کھیلنا چاہیئے۔ غیر قانونی اجتماع کی اجازت دینا غیر قانونی اقدام ہوگا اور حکومت غیر قانونی سرگرمیوں کی کسی صورت اجازت نہیں دے گی۔ عوام کی زندگیاں سب سے زیادہ عزیز ہیں۔سیاسی اجتماع کرکے آپ کیا پیغام دے رہے ہیں۔ انہوں نبے کہا کہ اپوزیشن کو نصیحت ہے کہ وہ اجتماعات سے اجتناب کرے۔غیر قانونی سرگرمیو ں پر قانون کے مطابق ایکشن ہوگا۔ وزیراعلیٰ عثمان بزدار نے نمائش کے انعقاد کے بارے میں گفتگو کرتے ہوئے کہا کہ پی ایچ اے نے گل داؤدی کی بہترین نمائش کا اہتمام کیا ہے اور اس نمائش کے شاندار انعقاد پر پی ایچ اے کو شاباش دیتا ہوں۔ شہر کو مزید خوبصورت بنائیں گے۔            ٭٭٭

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com