کچھ مجبوریوں کے باعث زیادہ فلموں اور ڈراموں میں کام نہیں کر سکتیں

لاہور(ویب ڈیسک) پاکستانی شوبز انڈسٹری کی نامور فنکارہ عائشہ عمر کا کہنا ہے کہ کچھ مجبوریوں کے باعث بہت زیادہ فلموں اور ڈراموں میں کام نہیں کرسکتیں۔

تفصیلات کے مطابق : عائشہ عمر نے خصوصی انٹرویو کے دوران بتایا کہ ان کی کچھ مجبوریاں ہیں جن کی وجہ سےوہ بہت زیادہ فلموں اور ڈراموں میں کام نہیں کرسکتیں۔ عائشہ عمر کا کہنا ہے کہ ابھی بھی ایکسیڈنٹ کے کچھ زخم باقی ہیں، انہیں ایکسیڈنٹ سے قبل بالکل نہیں معلوم تھا کہ بے چینی کیا ہوتی ہے، وہ لوگوں سے سنتی تھیں تو عجیب لگتا تھا لیکن جب خود پر گزری تو بے چینی کا مطلب سمجھ میں آ یا۔ ایک سوال کے جواب میں عائشہ عمر نے اپنے کچھ فیصلوں میں غلطی کا بھی اعتراف کیا اور کہا کہ انہوں نے دو تین فلمیں چھوڑ دیں تھیں، جس کا انہیں افسوس ہے ۔ عائشہ عمر کے مطابق ان کی ایک فلم ’رہبرا‘ بدقسمتی سے مکمل نہیں ہو سکی تھی، لیکن اب اس فلم کی شوٹنگ شروع ہورہی ہے۔ فلم ’رہبرا‘ سے متعلق ان کا مزید کہنا تھا کہ اس میں ان کا کردار بہت دلچسپ ہے۔ عائشہ عمر نے ایک سوال کے جواب میں کہا کہ وہ اداکاری، گلوکاری ،ماڈلنگ اور کمپیئرنگ سب کام کرتی ہیں۔ “جب بہت باتیں کرنے کو دل چاہتا ہے تو کمپیئرنگ کرنے لگتی ہوں اور جب موسیقی کے رنگ بکھیرنے کو جی چاہتا ہے تو گانا شروع کر دیتی ہوں،لیکن اب میری ساری توجہ فلموں اور ڈراموں پر ہوگی۔” عائشہ عمر کی حال ہی میں مصر میں ایک ایونٹ کے دوران تصاویر کی وجہ سے انہیں سوشل میڈیا پر بھی شدید تنقید کا نشانہ بنایا گیا۔ عائشہ عمر نے اپنی تصویروں پر کی جانے والی تنقید پر ردعمل دیتے ہوئے کہا کہ ” حسد کرنے والے مجھ سے بہتر پیار کرتے ہیں، جیلیسی میں بھی پیار چھپا ہوتا ہے، میں اس کو بھی انجوائے کرتی ہوں۔”

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com