نیب نے کرپشن میں‌ ملوث اشتہاری ملزمان کی فہرست جاری کردی

لاہور(ویب ڈیسک): نیب ملتان نے کرپشن کے مختلف کیسز میں عدالتی اشتہاری 39 ملزمان کی گرفتاری کے لیے ان کے ناموں کی فہرست ملک بھر کے امیگریشن دفاتر کو بھجوا دی۔
نیب ملتان نے 39 ایسے ملزمان کی فہرست پاکستان کے تمام انٹرنشنل ائیرپورٹس پر تعینات امیگریشن حکام کو بھجوا دی ہے جو کرپشن کے خلاف کیسز میں نیب کو مطلوب ہیں اور نیب ملتان ابھی تک انہیں گرفتار نہیں کر سکی۔ فہرست میں شامل ملزمان کی کسی بھی ائیر پورٹ پر آمد یا روانگی پر انہیں فوری گرفتار کرنے کی درخواست بھی کی گئی ہے۔ نیب ملتان نے جناح ائیر پورٹ کراچی، علامہ اقبال انٹرنیشل ائیرپور ٹ لاہور، باچا خان انٹرنیشنل ائیرپورٹ پشاور، فیصل آباد انٹرنیشنل ائیر پورٹ، ملتان ائیر پورٹ، کوئٹہ انٹرنیشنل ائیرپورٹ، سیالکوٹ انٹرنیشنل ائیرپورٹ پر تعینات امیگریشن دفاتر کو ملزمان کی فہرست بھجوائی جن کے گرفتاری کے وارنٹ بھی جاری ہو چکے ہیں لیکن ان کی گرفتاری ابھی تک عمل میں نہیں لائی جا سکی ہے۔ نیب ملتان نے ان تمام ملزمان کے نام اور شناختی کارڈ کی فہرست امیگریشن حکام کو بھجوا دی ہے اور یہ درخواست کی گئی ہے کہ وہ ملک کے کسی بھی ائیرپورٹ پر بیرون ملک سے آئے یا ملک سے باہر جانے کی کوشش کریں انہیں گرفتار کر کہ نیب حکام کو آگاہ کر دیا جائے۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com