ایپل نے نئے ائیر پوڈز متعارف کرا دیے

لاہور(ویب ڈیسک) معروف امریکی ٹیکنالوجی کمپنی ایپل نے حال ہی میں آئی فون 11 اور 11 پرو کی سیریز متعارف کرائی تھی جس کے بعد اب کمپنی نے صارفین کے لیے جدید خصوصیات کے حامل ائیر پوڈز بھی متعارف کرا دیے ہیں۔

تفصیلات کے مطابق : ایپل کے یہ نئے ’ائیر پوڈ پرو‘ آج سے صارفین کے لیے ایپل اسٹورز پر دستیاب ہوں گے، اس نئے ائیر پوڈ کا ذیزائن انسان کے کانوں کی بناوٹ کو دیکھتے ہوئے اس انداز میں بنایا گیا ہے جو کہ کان میں مکمل طور پر فکس ہوجاتے ہیں۔ نئے ’ائیر پوڈ پرو‘ کی یہ خاصیت ہے کہ یہ باہر سے آنے والی کسی بھی آواز کو کانوں تک نہیں پہنچنے دیتا۔

کمپنی کا کہنا ہے کہ لوگوں کے کان کی بناوٹ ایک دوسرے سے مختلف ہوتی ہے اور اسی بات کو مد نظر رکھتے ہوئے انہوں نے مختلف سائز کے ائیر پوڈ بنائے ہیں۔صارفین ایپل کے اسٹور پر جاکر اپنے کان کی بناوٹ کو مد نظر رکھتے ہوئے نئے ائیر پوڈ پہن کر دیکھ سکتے ہیں اور مطمئن ہونے کے بعد انہیں خرید سکتے ہیں۔ ایپل کے ائیر پوڈ پرو کی قیمت 249 ڈالرز ہے، ان ائیر پوڈ میں متعدد مائیکرو فون ہیں جو کہ باہر سے آنے والی آواز کو کانوں تک نہیں پہنچنے دیتے۔

کمپنی کا کہنا ہے کہ ائیر پوڈ کے ’Noise Cancellation‘ موڈ کو ان ایبل کر کے صارفین ساڑھے چار گھنٹوں تک لگاتار اس کا استعمال کر سکتے ہیں۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com