BERLIN, GERMANY - OCTOBER 05: The Logo of multimedia messaging app snapchat is displayed on a smartphone on October 05, 2018 in Berlin, Germany. (Photo by Thomas Trutschel/Photothek via Getty Images)

اسنیپ چیٹ کے نئے فلٹر نے دھوم مچا دی

لاہور(ویب ڈیسک)سوشل شیئرنگ ایپلیکیشن اسنیپ چیٹ معروف فلٹرز کی وجہ سے صارفین میں مقبول ترین ایپ سمجھی جاتی ہے اور اس کا حال ہی میں متعارف کرایا جانے والا ایک فلٹر بے حد مقبول ہوا ہے۔
تفصیلات کے مطابق :اسنیپ چیٹ کے صارفین ہر نئے فلٹر کا استعمال کرتے ہوئے اپنی تصاویر اور ویڈیوز سوشل میڈیا پر اپ لوڈ کرتے ہیں۔سوشل شیئرنگ ایپلیکیشن آئے دن نئے نئے فلٹرز صارفین کے لیے متعارف کراتی ہے جن میں میک اوور فلٹر، ڈوگ فلٹر اور اس طرح کے متعدد فلٹرز بے حد مقبول ہیں۔حال ہی میں اسنیپ چیٹ ایپ نے ہیلووین کی مناسبت سے متعدد نئے فلٹرز متعارف کرائے ہیں جس میں سے ایک ’اسپائڈر فلٹر‘سوشل میڈیا پر وائرل ہوگیا۔
دلچسپ بات یہ ہے کہ اس فلٹر کا استعمال کرکے والدین اپنے بچوں کو ڈرا رہے ہیں جس کی ویڈیوز سوشل میڈیا پر وائرل ہو رہی ہیں۔اس فلٹر میں ایک بڑی مکڑی منہ پر رینگتی ہے اور یہ مکڑی بالکل حقیقی مکڑی کی طرح دکھائی دے رہی ہے جس کی وجہ سے بچے خوفزدہ ہو کر چیخیں مار رہے ہیں اور ان کے والدین ویڈیو کو ریکارڈ کر کے اسے سوشل میڈیا پر ڈال کر لطف اندوز ہو رہے ہیں۔ ا س فلٹر کے حوالے سے متعدد صارفین نے اسے بچوں کے ساتھ بد سلوکی قرار دے دیا اور اس فلٹر کو بچوں پر استعمال کرنے والی ماؤں کو تنقید کا نشانہ بھی بنایا گیا ہے۔ متعدد صارفین اس فلٹر کو بے حد پسند کر رہے ہیں اور اس سے لطف اندوز ہورہے ہیں۔سوشل میڈیا پر اس فلٹر کو ایک چیلنج کے طور پر لیا جارہا ہے اور اس فلٹر کی ویڈیوز کو ایک کروڑ 80 لاکھ سے زائد لوگ دیکھ چکے ہیں۔

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com